Idazki hau “Komunikaziorako eta garapenerako lankidetzarako tresnak” deituriko proiektu zabalago baten atala da eta GGKE erakundeen komunikazio praktikak hobetzeko tresna teoriko-praktikoak sortzea du helburu.

Egitasmoaren hirugarren dokumentua da, “Komunikazioa, Garapena eta GGKE”, “Euskal Herriko GGKE-en komunikazio lana” ondorengoa, eta ikerketa prozesuan jaso diren esperientziak eta hausnarketak biltzen ditu. GGKE-en inguruan sortzen diren komunikazio prozesuen gainean lan egin nahi dutenentzako eskuliburu gisa eta praktikara bideratutako idazkia da. Baina ez da errezeten zerrenda bat, nazioarteko laguntza ekintzetan egindako komunikazio lana ikusteko eta kasu zehatzetan gauzatzeko modu anitzak baitaude.